MANNERS

තිබහ හැදිච්ච මට
කිරි තේ එක බීපු ගමන්
කැස්සක් ආවා....!
wife ඇයි කියලා අහනවා...
මොනවා කියන්න ද...?
manners එක්ක
තේ මණ්ඩි ටික
මගේ බඩේ...!


ඔසී

ලේ..........!

අපි කවුරු උනත්..
මොන ජාතියේ උනත්...
හැම මනුස්සයෙක් ගෙම......ලේ රතු පාටයි..ලු
එහෙම උනත්
හැම ජාතියක් මඑකිනෙක ගැළපෙන්නෙ නැති ලු...!
ඒ රතු පාට ලේ තමයිදෙමව්පියන්ගෙන්...
දරුවන්ට ලැබෙන්නේ...
නෑනයි මස්සිනායි...වෙච්ච
උඹෙයි... මගෙයි...ලේ වලින්...පිළිසිඳ ගත්ත
ඒ දරවා...
ඇයි මේ ලෝකයේ එලිය නො දුටුවේ....!
අපි ආත්මයෙන් ආත්මයපතා ගෙන ආවත්...
ඒ හැම ආත්මයක...
මේ දුක මේ විදියට ම..
විඳින්න ඇති.මම මේ දුක විඳ ගත්තත්
උඹට ඒක විඳ ගන්නඅපහසු බව
මට වැටහුණ නිසයි...
ලබන ආත්මයෙ දි...
අපි එක් නොවෙමුයි...කියලා
පැතුවේ....
නැතුව.... ආදරේ නැතිකමට නොවෙයි....!



ඔසී

වරද....?

මගේත්...සම්බන්ධයේ
අග්‍රඵලය...
නො දුටු...
මෙලොව..
සරදම්...
කිම ද...?
අප කළ වරද....?

ඔසී

වැරැද්ද

"මම නිසා නුඹට...
කිසිම දවසකවැරැද්දක් වෙන්නේ නෑ....!"
එහෙම කිව්වත්..
මම කරපු වැරැද්දේ
ප්‍රථිපලයකුත් නෑ...!
ඒක නුඹට විතරක් නොවෙයි
මටත් ප්‍රශ්නයක්...!
ඇයි එහෙම වුනේ...!


ඔසී

ADs....

රූපවාහිනී නාලිකාවල
එක දිගට පෙන්නන
වෙළඳ දැන්වීම් අස්සෙන්...
Teli කෑලි දාන එක
පල් වැඩක්....!


ඔසී

දානය.?

ඊයේ පෙරේදා..
වලව්වට කඹුරලා..
ගත්ත තුට්ටු දෙකෙන්..
හදපු කිරි අප්පොච්චාගේ..
තුන් මාසේ...දානේ...!
හාන්දුරුඔ...
වලව්වට වැඩලා....
දානේ ට...!


ඔසී

සභ්‍යත්වය....!

නේක වර්ණ
විදුලි එලි...
සලෙල මන
පිනා යන රැඟුම්
බඳුන් පිරවූ...
විකල්මන පැන්..
සලෙල පියවරු...
....සහෝදරයන්..ගේ
බුර බුරා නැගෙන..
පිපාසය සංසිඳවන..
ගැස්සෙන පැද්දෙන..
ලැම පෙන්වන..
මරඟනන්..
රැය පහන් වනතුරු..
නිදිවදී සභ්‍යත්වය.....


ඔසී

වාහන පෑදීම

වාහනයක් පදින එකත්
මාරයි...
පුරුදු වෙන කාලෙදි
හොඳට පුරුදු වෙන්න
පරන වාහනයක්
හොයනවා.....
ඒත්....
හොඳ පුරුදු කාරයෙක් වුනාට
පස්සේ...
හොයන්නෙ ම BRAND NEW ඒවා....
සමහරු හදිසියට...
බලපත්‍ර නැතිව වාහන පදිනවා..
ඒත් තාවකාලික බලපත්‍රයක් හරි
තියෙනවා නම්...
හොඳයි කියල ..
පොලිසියට අහු වුනා ම
හිතෙනවා.....!
ඔසී

TIME

සමු දෙන්න....
අතීතයට...
වැළඳ ගන්න...
වර්තමානය...
බලා හිඳින්න...
අනාගතය...
එන තුරා......!


ඔසී

සුවඳ....

වෙරළු මල්
සුවඳට...
මම හරි ආසයි...!
කොල්ලෝ මට
හිනා වුනා...!
ඇත්තටම මම
ඒ සුවඳට
තවම ආසයි...!


ඔසී

නීතිය....!

කැලේ නීතිය
පුරුදු නැති මම
කොහොම....
office එකේ...
මිනිස්සුත් එක්ක
වැඩ කරන්න ද...?


ඔසී

බලාපොරොත්තුව සහ සිහිනය.!

ඔබ ගැන තිබුණු
ඒ බලාපොරොත්තු...
කඩවුනත්....
හැමදා කම මම හිතුවේ...
ඔයා මගේමයි කියලා...
නමුත්....ඒක..
සිහිනයක්...විතරයි...
කියලා හිතුනෙ...
නුඹ තවකෙකුගේ
අත ගත්ත දවසේ...
ඒත් මගේ සිහිනය තවමත්....
මගේ ලඟ තියෙනවා....!


ඔසී

බීජ සහ කෙත

සරු කෙතක
වපුල...
බීජ....
පැල නොවූයේ...
මන් ද....?


ඔසී

නීල් ආම්ස්ට්‍රෝං

රෑට ජනේලයෙන්
හඳ පෙනෙන කොට
අවුරුදු ගානක් පස්සට...
හිත දිව යනවා...
බොල්ගොඩ ගඟේ....
බෝට්ටුවෙ හේත්තු වෙලා
නීල් ආම්ස්ට්‍රෝං වෙච්ච හැටි.....
තවමත් කට්ටිය ඒ වගේ
හඳට යනවා ඇති...!


ඔසී