සමගිය

ඉස්සර...
අපේ දෙමව්පියන්ගේ කාලයේ
බත් හැළිය ඉදෙන කම්
දෙන්න අතර තිබුණ
අසමගිය...
අද...
බත් හැළිය පිළුණු වෙලා
පරන ගෝදම්බ රොටිවලින්
හදපු....
කොත්තුවක් ගෙනාවත්
එහෙමම යි....!

ඔසී

හිවල්ලු

අදටත්...
මිදි රස බලන්න
බැරි වුන.
.....……….
හූ කියනවා.....
මිදි ඇඹුල් කියලා
උන්ට තේරෙන්නේ නෑ...
රස විඳින්න
මිදි කෙසේ වෙතත්
බිම වැටුණ...
වැල මදුළක් වත්

ඔසී

...කසාදය...?

කසාදය
මධුසමය
රතු සාරිය
දෙවෙනි ගමන............
හිසරදය
ඔක්කාරය
වමනය...නෑ....
සාංකාව..
රැවුම්.
.ගෙරවුම්..
.වෛද්‍ය‍යවරු..
සිත් බිඳීම්...
තොවිල් පවිල්
සාස්තර....
දුක...
භූත දෝෂ...
දිෂ්ඨි...
මුදල්,
දොළපිදේනි
කලකිරීම......
කසාදය...?

ඔසී

සමා වෙයන්....!

අහස.....
පසුගිය පායපු දවස්වල...
අපේ බැනුම් අහල,
දැන් කඳුළු වගුරනවා.....
නුඹට දුකක් දැනුණා නම්
සමා වෙයන්....!

ඔසී

උඹේ ආදරය

අපේ ජීවිතයත් හරියට
කවියක් වගේ ලු...!
මම කවියක් ලියන්න
පැන්සලක් ගත්තා.
ඒත්...
තුඩ නෑ....!
මම හෙමින් හෙමින්
උල්කරගත්තා...!
ලස්සනට හෙමින් හෙමින්
ලියන්න ගත්තා...
ටිකක් ලියා ගෙන යද්දී..
උල කැඩුණා...!
කරන්න දෙයක් නෑ
ආයෙත් පිහිය අර ගෙන
උල් කලා...
කවිය සෑහෙන්න ලිව්වා
ලියවෙන්නෙ නෑ...
බලද්දී උල මොට වෙලා...
මොනවා කරන්න ද...?
පිහිය අරන් ආයෙත්
උල් කරන්න බලද්දී...
පැන්සල ඉවර වෙලා...!
මට.........
උඹේ ආදරය මතක් උනා......!


ඔසී

කඩුව

යුද්දෙට නැති කඩුව
කොස් කොටන්න ද......?
නෑ.....!
කොස් ගස් කපන්න....!

ඔසී

"ඒ අපේ ආදරය"

එදා.....
අහස කලු කරලා වැස්සක් වැස්සා
ඒ වැස්සේ එක ම කුඩේ යටින්
මගේ ආදරය පිළිගත්ත...
ඔබ සමඟ පිය මනිද්දී...
වැහි බිංදු වැටුණේ...
ආසිරි මල් වගෙයි...
දූ විළි සේදුණ සුවඳ,
අපේ නාස් පුඩු කිතිකවාන ගියා...
වැස්සෙන් පසු නව පනක් ලද
තුරුලිය අතු ඉති ලද්දී...
මල් පිපෙද්දී...
මට හැඟුණා...."ඒ අපේ ආදරය" කියල..
ඒ ලස්සන දලු ලෑ ආදරය....
ඉඩෝරයට අහුවෙයි කියලා අපි හිතුව ද...?
ඉරි තැලුන කාෂ්ඨක පොළොවේ...
ජීවය ඉල්ලා වැලපෙන..
ඒ තුරුලතා වලට...
ඔබ දිය පොදක්නොවුනේ ඇයි.....?

ඔසී

සමාජය

අඳ දෙනෙතේ ශක්තියෙන්
දිවි සරි කරගත්....
මගේ හදවත සොරා ගත්..
ඔබ....
මගේ සේසත ම සොරා ගත් දින
නෙත් නැති මට.....
ඇති ඔබේ සමාජය පිළිකුල් විය...!

ඔසී

මල්

පෙනෙන මල් නො බලා
නො පෙනෙන ඒ මල බැලූ
බමරා අද මළ පුඩුවේ.!

ඔසී

කඳුළ

"කිසි දිනක කඳුළක් වැටෙන්න
මම ඉඩ තියන්නේ නෑ...!"
හැමදා ම මතුරපු
ඔයා ගැන මම විශ්වාස කලා......!
ඒත් මව් නැති ඔබට මම දුන්න
නිදහසින් අයුතු ප්‍රයෝජන ගත්තා....!
දුවේ.........
නුඹ දුන්න දුක් ගින්න නිවන්න,
කඳුළු වැටුනට මදි...
ගලන්න ඕන....!
ඔසී

මගේ අම්මා

ඔයාට දුකක් දැනෙන
හැම වෙලාවක ම....
මම ඔයා ලඟ කියපු ඔයා....
මට උහුල ගන්න බැරි තරම්,
දුකක් දුන්න වෙලාවේ...
මගේ ලඟ හිටියේ....
....මගේ අම්මා විතරයි....!


ඔසී

ආදරෙයි...ද

දවසක් හැන්දෑවක...
මගේ ඇස් දෙක දිහා බලා ගෙන...
අවිහිංසක ව සිනාසුණ ඔබ...
මම "ආදරෙයි...ද ?" අහපුවම
මුවින් නොපවසා...
දෑසින් පැවසු දෙය..
මට නොවැටහුන බවවැටහුණේ....
අවසන් වසරේ දිනක
ඔබේ පෙම්වතා මට හඳුන්වා දුන් විටයි...!


ඔසී

දවසක් හැන්දෑවක...

මගේ ඇස් දෙක දිහා බලා ගෙන...

අවිහිංසක ව සිනාසුණ ඔබ...

මම "ආදරෙයි...ද ?"

අහපුවමමුවින් නොපවසා...

දෑසින් පැවසු දෙය..මට නොවැටහුන බවවැටහුණේ....අවසන් වසරේ දිනකඔබේ පෙම්වතා මට හඳුන්වා දුන් විටයි...!ඔසී

වයස

ඒ කාළේ මම...
හරි ආඩම්බරයෙන්
දරුවෝ පාසල් ගෙනිච්චා
ඒ දරුවෝ ඉහල පංතිවල
ඉගෙන ගද්දී...මම ආඩම්බර උනා
සරසවියට යද්දී සෑහෙන සංතෝෂයක්...
රැකියාවක්.....විවාහයක්...
සතුටක්....
දරු මුනුබුරන් මට සතුටක්....!
නමුත් වයසට ගිය මම ඔවුන්...ට,
...............ද ?
ඔසී

පරාර්ථකාමී ආදරයක් ?

ඔයා මගෙන් වෙන් වුන දවසේ..
"මගේ ආදරය ආත්මාර්ථකාමී නෑ....
ඔයාට හොඳක් වෙනවාට මම කැමතියි....
ඔයාගේ කැමැත්තක්....."
මම එහෙම කිව්වත්
මට පස්සේ තමයි දැනුණේ
පරාර්ථකාමී ආදරයක් කියන්නේ
මොන බොරුවක් ද කියලා...
ඒත් මම තවමත් කට්ටියට කියනවා
මගේ ආදරය පරාර්ථකාමී කියලා.......
එහෙම කියලා මම තනියම විඳවනවා..!


ඔසී

කළ කිරීම

අපේ ජීවිත වලට
මුන ගැසෙන කිසිම කෙනෙක්
විශ්වාස කරන්න බෑ...........
සමහර අයට විහිළුවක්
සමහර අයට ඉනිමඟක්
තවත් සමහර අයට පලිහක්...
දවසෙන් දවස
කළ කිරීම හෑර
කිසිම ඉතිරියක් නෑ.....!

ඔසී

රැක ගනින්

නැගෙන සිනා මල් නුඹගේ වත කමලේ
පුන් සඳ පරාදයි පෝ දා ආකාසේ
නැත අරුමයක් හදවත සතුටින් ඉපිලේ
දිවි ඇති තුරා ලද දෙය රැක ගනින් නඟේ


ඔසී

රහස

උවනේ පෙම් සිනා කොහි සැඟවුනා දෝ
මල්වර කෝල ගතියක් ඇති වුනා දෝ
නු දුටු කල්පයේ නුඹ කොහි ගියා දෝ
නොකී රහස මුදුවෙන් හෙළි වුනා දෝ

ඔසී

"පොඩි දෝණි"

දස වසක සුබ සිහිනය
සඵල වෙලා...!
නුඹ මා නැගණියගේ
දියනි වෙලා...!
අප සැමගේ සිත් සතුටින්
උදම් වෙලා...!
දුවේ "පොඩි දෝණි" නුඹ
අප පැතුම වෙලා......!


ඔසී

(නිමිත්ත:-මගේ නැගණියගේ දුව)

මාල පෙත්ත

පා නමදිද්දී ....
දුටු ලැම.
නො දුටු සේ සිටියත්..
එහි සිර වූ
මාල පෙත්ත
තවම මතකයි.!


ඔසී

සුන්දර.....ලස්සන….

ලස්සන….
තරුණ වියට,
සුන්දර බව….
ජීවිතයට..!

ඔසී

හතර කේන්දරේ

තේරෙන වයසේ ඉඳලා
මාත් එක්ක හාද වෙච්ච
උඹ ….
මගේ වේලාපත්කඩයේ
හතර කේන්දරේ
පාලුයි කියලා
මහණ වෙන්න කිව්වේ...
උඹ පංසලේ පොඩි නම
එක්ක.................
මගෙන් පංසලේ අඩුව පුරවන්න කියලා
මම හීනෙකින්වත් හිතුවේ නෑ...!


ඔසී

අපි වෙනුවෙන් උන්

අපි වෙනුවෙන් අපි
හෑම දාම හිටියා...!
උන් හිටියේ
ඉලව් ගෙදර විතරයි....!


ඔසී

ජීවත්වීම

අන් අයකුගේ
තනුවකට
ගයමින්, නටමින්
තම සන්තෝෂය
යටපත් කර
අනුන් සන්තෝෂ කිරීම.


ඔසී

පවුල

අවුලට ගොස්
තැවුල් ඇති නො කර ගෙන
හවුල කෙසේ හෝ
පවුලක් කර ගන්න....!


ඔසී

1992

සීයයි..
Beer එකයි..
සිගරැට් දෙකයි...
කඩල ගොට්ටයි....
නියමයි...!


ඔසී

පදනම

මව සහ පියා
මට උරුම කල
ඉවසීම....
අපේ සම්බන්ධයේ
පදනමයි.....!


ඔසී

FANTASY

සිතන්න...
ලයාන්විත ව..
ලියන්න....
දයාබර ව....අරුත් බර ව...
ජීවත් වන්න...
සෞන්දර්යාත්මක ව...
හැකි වෙයි...ඔබට
අවැසි දේ....කිරීමට
ඔසී

දනිමි එය...!

සඟවනු බෑ ඔබට
දනිමි මම එය
රතු වූ දෑසට...
වියළුණ කඳුළු කැට වලට...
හේතුව...
විමසිය නො හැක..
මම ද එය විඳ ඇත...
සිනාසෙන්න....
සියල්ල පැරද විය හැකියි...!

ඔසී

ගැළපීම

අම්මා ට..
අප්පච්චිට....
හතර වරිගය ට...
ගැළපෙන....
එතකොට මට....?


ඔසී

ආරාධනා...!

සිර කල තිසරුන්
පෙන්වමින් සෙමින්
නො දන්නා ලෙස ..
හිදැස අත්ලෙන් වසා
නෙතගින් හී සර යවා
පසු කර යමින් මා…
දෙනෙත සිර කර….
නො දුටු උකුලේ
කිම ද වරදට ආරාධනා....!


ඔසී

තහනම් ගස

ඔබේ නෙත රහසක් කියයි
මගේ සිත ඇල්මෙන් වෙලෙයි
ඔබේ දෙතොලේ උණුසුමින්
මගේ හද කිති කැවෙයි

දැනේ හසරැල්ලේ සෙනේ
කෙසේ පවසන්න ද හදේ
පිරී ඉතිරී දෝරගලායන
මගේ සෙනෙහස නඟේ

සිතේ සිතුවිල්ලක් නැගේ
පල නෙළයි තහනම් ගසේ
නඟේ හද පිරි ආදරේ
කෙසේ පිලි ගන්න ද මෙසේ


ඔසී